Hafnarbraut 15A

Lind fasteignasala og Helga Pálsdóttir löggiltur fasteignasali kynna virkilega fallega og vel skipulagða þriggja herbergja íbúð á Kársnesinu með bílastæði í kjallara og sérlega skjólgóðum svölum til suð-vesturs með útsýni út á sjó. Hleðslustöð við bílastæði í kjallara. Íbúðin er afar björt og nær í gegnum húsið, fallegar hvítar innréttingar frá HTH og ná skápar upp í loft. Vönduð tæki frá AEG í eldhúsi.

Húsið var byggt árið 2019. Samkvæmt Þjóðskrá Íslands er birt flatarmál eignarinnar 94,3 m2 þar af er íbúðin 81,4 m2 og geymslan 12,9 m2. Í sameigninni er rúmgóð sameiginleg hjóla- og vagnageymsla. Dýrahald er leyft í húsinu.

Nánari lýsing

Forstofan er opin með parketi, innbyggðum fataskápum og dyrasíma með myndavél.

Baðherbergi með flísum á gólfi og veggjum að hluta til, innréttingar á tvo vegu , auk þess er gert ráð fyrir þvottavél og þurrkara í innréttingu, rúmgóð walk-in sturta,  hiti í gólfi.

Eldhús er opið inn í stofu með fallegri innréttingu, span helluborði, innbyggðri uppþvottavél, innbyggðum ísskáp með frysti, bakarofni og parket á gólfi.

Stofa með parketi, útgengið út á sérlega skjólgóðar svalir til suð-vestur með útsýni til sjávar. Heimild er fyrir uppsetningu svalalokunar.

Hjónaherbergi er mjög rúmgott með parketi og fataskápum.

Barnaherbergi með parketi á gólfi og innbyggðum fataskáp.

Geymsla í sameign

Skjólgóður aflokaður garður með leiktækjum. Húsgjöld eignarinnar eru 25.476  kr á mánuði, innifalið í húsgjöldum er allur almennur rekstur, allur hitakostnaður, rafmagn í sameign, framkvæmdasjóður, húseigandatrygging, þrif sameignar, og þjónusta Eignarumsjónar.  Engar fyrirhugaðar framkvæmdir.

Húsið er viðhaldslétt einangrað að utan, álklætt að hluta og gluggar ál-tré.  Mikil byggð er nú í uppbyggingu við sjávarsíðuna yst á Kársnesi í Kópavogi. Nálægð við sjávarsíðu og smábátahöfn gerir byggðina að einni eftirsóknarverðustu staðsetningu Kópavogsbæjar. Allar upplýsingar um eignina veitir Helga Pálsdóttir fasteignasali í síma 822 2123 eða helga@fastlind.is