Búðagata 33

Fasteignasalan Hvammur 466 1600

Búðargata 33 - Skemmtilega innréttuð verbúð á einstökum stað við höfnina á Hjalteyri - stærð 38,0 m²

Eignin getur nýst á fjölbreyttina hátt en hún er innréttuð í dag sem studíóíbúð með setustofu, eldhúskrók og baðherbergi á neðri hæð og svefnaðstöðu í risi.

Flísar eru á öllum gólfum á neðri hæðinni og gólfhiti.

Eldhúshorn er innst við hliðina á stiganum upp í risið. Þar er hvít innrétting með hvítum vask og viðar bekkplötu. Flísar eru fyrir ofan innréttinguna.

Baðherbergi er með flísum á gólfi og hluta veggja, hvítri innréttingu með handlaug, rauðum skáp, upphengdu wc og walk-in sturtu. Við hliðina á sturtunni er tengi fyrir litla þvottavél.

Risið er eitt opið rými með harð parketi á gólfi og er skv. teikningum um 23 m². Opnanlegur gluggi er á vestur gaflinum og gönguhurð út á um 4 m² svalir á austurgaflinum en þaðan er útsýni yfir höfnina og út á Eyjarfjörð.

Annað

- Húsið er steypt og klætt að utan með standandi viðarklæðningu. Gaflaveggur til austurs er byggð upp með timburgrind.

- Eignin er um 5 metrar á dýpt og um 3,8 metrar á breidd skv. teikningum. Skráður fermetrar á neðri hæð eru 28 og í risi 10 en nýtanlegir eru mun fleiri.

- Gólfhiti er á neðri hæðinni en engin hitun er í risi.

- Hvíttaður viður er í loftum.

- Eignin er í einkasölu.

Um skoðunar- og aðgæsluskyldu:

Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits:

Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.