Hekluhraun 10

RE/MAX og Guðrún Lilja löggiltur fasteignasali kynna í einkasölu: Fallegt og vel skipulagt 71,2 fm. sumarhús á einstökum stað á skipulögðu sumarhúsasvæði í Heklubyggð, Rangárþingi ytra.  Húsið stendur á 16.400 fm. eignarlóð með stórbrotnu útsýni, rétt við Selsundslæk.  Með Hekluhrauni 10 seljast lóðir við Svínhaga 1, stærð 9.300 fm. og Svínhaga 4, stærð 7.900 fm, þá samtals um 33.600 fm. jörð.

Húsið samanstendur af stóru og björtu alrými með stofu og eldhúsi, tveimur svefnherbergjum og baðherbergi. Svefnloft er fyrir ofan annað svefnherbergið. Allt efni á baðherbergjum frá Álfaborg og einnig blöndunartæki. Í eldhúsi eru vandaðar innréttingar frá Habitat.  Rennihurð í stofu er frá Marokkó. Kamína er í stofurými.  Hellulögð verönd er fyrir utan hús með rafmagnspotti. Húsið er hitað upp með varmadælu, hitavatnskútur er nýlegur. Mikið og gott útsýni er í allar áttir.

Lóðin er stór og gróin með mikla möguleika, heimilt er að stækka húsið. Samkvæmt skipulagsskilmálum eru byggingarreitir rúmir og heimilt að reisa tvö sumarhús á hverri lóð, þar sem því verður komið við þá allt að 200-300 fm.  Fjarlægð milli húsa innan lóðar skal vera minnst 20 m. en þó má gestahús vera nær. Hús skal vera staðsett í samráði við byggingarfulltrúa Rangárþings ytra.  Sumarhús skulu að jafnaði vera á einni hæð og skal leitast við að aðlaga hús sem best að landslagi. Bílastæði eru staðsett á hverri lóð fyrir sig.

Einstök náttúrufegurð er á svæðinu, sést meðal annars í Heklu, Bjólfell og Búrfell.  Stutt inná hálendið, aðeins 1,5 klst. frá bænum og í Landmannalaugar frá húsi um 1 - 2 klst.

Sumarhúsafélag er í Heklubyggð, sem er hagsmunafélag sumarhúsaeigenda á svæðinu en viðhald vega innan svæðisins er meginverkefni þess auk þess sem haldin er fjölskyldusamkoma á vegum félagsins hverja verslunarmannahelgi.  Leiðarvísir: Þegar komið er að Svínhaga að sunnanverðu er farið inn á Rangárvallaveg (nr. 264) af Suðurlandsvegi austan Hellu. Vestan Gunnarholts er síðan farið inn á Þingskálaveg (nr. 268) sem liggur að Svínahaga. Góðar gönguleiðatengingar eru um allt svæðið, m.a. með Rangá og Selsundslæk.

HÆGT ER AÐ SKOÐA SVÆÐIÐ Í ÞRÍVÍÐU UMHVERFI MEÐ ÞVÍ AÐ SMELLA HÉR

UPPLÝSINGAR UM SKIPULAGSSKILMÁLA FRÍSTUNDABYGGÐAR Í HEKLUBYGGÐ MÁ KYNNA SÉR MEÐ ÞVÍ AÐ SMELLA HÉR

Nánari upplýsingar veitir Guðrún Lilja Tryggvadóttir, löggiltur fasteignasali í síma 867-1231, gudrunlilja@remax.is

Gjöld sem kaupandi þarf að standa straum af vegna kaupanna:  1. Stimpilgjald af kaupsamningi - 0,8%(einstaklingar) 1.6% (lögaðilar) af heildarfasteignamati.   2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.  3. Lántökugjald lánastofnunar - almennt 45-75 þús.kr. Nánari upplýsingar á heimasíðu lánastofnana.   4. Umsýslugjald til fasteignasölu kr. 69.900 mvsk.