Vogatunga 42

Háborg fasteignasala og Kristín Rós Magnadóttir lögg. fasteignasali kynna í einkasölu fallegt endaraðhús við Vogatungu 42 í Mosfellsbæ.

Um er að ræða endaraðhús á góðum stað í Leirvogstungu með útsýni til sjávar. Eignin er skráð 129,8 fm og skiptist í 102,5 fm íbúð og 27,3 fm bílskúr. Auk þess er um 12 fm óskráð rými/herbergi fyrir ofan bílskúr. Um 140 fm skjólsæll og sólríkur pallur með heitum potti í garðinum.

Íbúðin skiptist í anddyri, alrými með eldhúsi, borðstofu og stofu, hjónaherbergi með fataherbergi, tvö svefnherbergi, baðherbergi og geymsluloft.

Gengið er inn í anddyri með rúmgóðum fataskáp.

Alrými er bjart og samanstendur af eldhúsi, borðstofu og stofu. Í eldhúsi er mjög rúmgóð hvít innrétting frá Nobila. Öll eldhústæki eru frá Siemens, innbyggð uppþvottavél og ísskápur, bakaraofnar eru tveir.

Svefnherbergi innan íbúðar eru þrjú, inn af hjónaherbergi er fataherbergi, þaðan er aðgengi upp á geymsluloft. Í báðum barnaherbergjum eru fataskápar.

Baðherbergi er flísalagt að hluta. Þar eru bæði bað og sturta, góð innrétting við vask, speglaskápar, upphengt salerni og þvottaaðstaða með mjög góðu skápaplássi.

Á öllum gólfum er parket nema á baðherbergi eru flísar.  Hátt er til lofts í húsinu, innfelld ljós og gólfhiti.

Bílskúr er 27,3 fm að stærð auk óskráðs rýmis, um 12 fm, á efri hæð sem nú er notað sem svefnherbergi. Á bílskúrsgólfi er epoxy.

Í garðinum er um 140 fm sólrík og skjólsæl timburverönd, með skjólveggjum. Á veröndinni er heitur pottur og útigeymsla. Bílastæði er hellulagt og með hitalögnum.

Skemmtileg eign innarlega í rólegum botnlanga í fjölskylduvænu hverfi með frábæru útsýni til sjávar og sveita!

Nánari upplýsingar veitir Kristín Rós Magnadóttir, lögg. fasteignasali í síma 860-2078 eða á kristin@haborg.is.