Lynghólar 5

Fasteignasalan Hvammur 466 1600

Lynghólar 5, 620 Dalvík - Skemmtileg 4ra herbergja parhúsaíbúð á einni hæð með bílskúr, í botnlangagötu á Dalvík - Stærð 146,7 m², þar af telur bílskúr 35,1 m²

Eignin skiptist í forstofu, eldhús og stofu í einu alrými, þrjú svefnherbergi, baðherbergi, þvottagang/þvottahús auk bílskúrs.

Forstofa er með flísum á gólfi.

Í eldhúsi er snyrtileg dökk innrétting með eikar bekkplötu auk eyju í sama stíl. Flísar eru á hluta veggja. Gaseldavél og stæði fyrir uppþvottavél.

Eldhús og stofa eru í opnu og rúmgóðu rými með aukinni lofthæð. Flísar eru á gólfum og innfelld lýsing í lofti. Úr stofu er gengið út á verönd með skjólveggjum.

Svefnherbergin eru þrjú talsins, öll með flísum á gólfi, gólfhita og spónlögðum eikar fataskápum.

Baðherbergið er flísalagt í hólf og gólf, dökk innrétting, baðkar, sturtu og handklæðaofni.

Þvottahús/þvottagangur er með góðri spónlagðri eikar innréttingu. Þar er fellistigi upp á geymsluloft. Úr þvottahúsi er gengið inn í bílskúr.

Bílskúr er með flísum á gólfi og ágætri hvítri innréttingu með skolvask. Gönguhurð er á skúrnum við hliðina á rafdrifinni innkeyrsluhurð.

Lóðin er snyrtileg. Framan við bílskúrinn er rúmgott hellulagt bílaplan með snjóbræðslu í auk annars hellulagðs bílastæðis sunnan við steypta stétt heima að aðalinngangi hvar ekki er snjóbræðsla.  Pláss er fyrir 4 - 5 bíla.  Skjólveggir umlykja vestur- og suðurhlið hússins. Þar má finna steypta verönd auk grasflatar.

Annað

- Ljósar flísar eru á öllum gólfum íbúðar og gráar flísar í bílskúr.

- Gólfhiti er í allri eigninni.

- Innfelld ljós eru í alrými, baðherbergi og forstofu.

- Aukin lofthæð er í alrými og svefnherbergjum.

- Ljósleiðari er kominn inn og tengdur.

- Eignin er skemmtilega staðsett og opið svæði er vestan við húsið.

- Eignin er laus til afhendingar við kaupsamning.

Seljandi hefur aldrei haft afnot af eigninni. Seljandi þekkir því ekki eignina umfram það sem fram kemur í opinberum gögnum og hægt er að sjá við sjónskoðun. Því leggur seljandi ríka áherslu á það við væntanlega kaupendur að þeir gæti sérstakrar árvekni við skoðun og úttekt á eigninni og veitir seljandi eða fasteignasali kaupanda allan nauðsynlegan aðgang að til þess.

Um skoðunar- og aðgæsluskyldu:

Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits:

Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.