Tröllhólar 23

ÁRBORGIR SELFOSSI 482 4800 kynna í einkasölu:

Fallegt einbýlishús í grónu og eftirsóttu hverfi á Selfossi. Húsið er timburhús, klætt að utan með lituðu steni, þak er valmaþak klætt með aluzinki.

Heildarstærð eignarinnar er 214,9m2 og er sambyggður bílskúr 59,1m2 þar af.

Að innan skiptist eignin í forstofu, hol, þvottahús, 2 baðherbergi, 4 svefnherbergi, stofu og eldhús auk þess sem búið er að útbúa stúdíoíbúð í hluta bílskúrs og þvottahúss sem skiptist í forstofu, baðherbergi og alrými.

Flísar eru á gólfi í forstofu en innaf henni er baðherbergi sem er flísalagt bæði gólf og veggir og þar er góð gólfsturta.

Gegnheilt parket er á holi og öllum herbergjum, fataskápar eru í herbergjunum.

Eldhúsið er flísalagt en þar er nýleg innrétting með góðu skápaplássi og stórri eyju.

Stofan er rúmgóð, gegnheilt parket er á gólfi og þar er hurð útá sólpall. Í hjónaherbergi er einnig útgengt á sólpall.

Stærra baðherbergið er flísalagt bæði gólf og veggir, þar er góð innrétting og hornbaðkar með sturtu. Þvottahúsið er flísalagt en þar er innangengt í bílskúr.

Bílskúrinn er flísalagður og er geymsluloft yfir honum.

Aukaíbúðin hefur verið í útleigu og er hún snyrtileg og fullbúin.

Stór sólpallur með skjólveggjum og heitum potti er á baklóð, lóðin er gróin og mulningur er í stórri innkeyrslu.

Nánari upplýsingar og bókið skoðun á skrifstofu Árborga.

arborgir@arborgir.is eða síma 482-4800.