Stekkjarhjáleiga

Um er að ræða jörðina Stekkjarháleiga Hamarsfirði við Djúpavog.

Jörðin um 108 hektarar liggur frá  fjöru og upp á  fjall. Hjáleiguhólmi er grasigróinn hólmi  sem hægt er að ganga útí á fjöru  er fyrir landinu og hefur verið  æðarvarp í hólmanum. Þjóvegur 1 liggur þvert yfir jörðina og er hún í um 5 km fjarlægð frá Djúpsvogi.

Jörðin ásamt fasteignum eru í eigu Seglskipa ehf og eru hlutabréf einkahlutafélagsins til sölu.

Samtals stærð fasteigna 145,4 fm.

Jörðin er í lauslegri mælingu um 108 ha að stærð ( mæld undir 90 gráðu horni) en  nákvæm  eignamörk liggja ekki fyrir önnur en lýsing úr landamerkjabréfum Stekkjarhjáleigu og aðliggjandi jarða.

Eigendur gengu á merki með staðkunnugum og fylgir með í gögnum  hnitsett loftmynd  úr eldra kerfi  til viðmiðunar.

Á jörðinni standa tvö  72,7 fm. heilsárshús byggð 2009 sem skráð eru sem sumarbústaðir og standa  þeir á steyptum grunni.

Húsin hafa verið leigð út í ferðaþjónustu og er félagið Seglskip ehf með  leyfi vegna ferðaþjónustunnar.

Hús 02 0101,    72,7 fm.:  Skiptist í anddyri, baðherbergi, 2 herbergi og  gott miðrými með eldhúsi opnu við stofu.

Geymsla hússins er með sér inngangi.   Parket er á gólfum, viðarinnrétting er í eldhúsi með eldavél. Húsið er fullbúið húsgögnum sem fylgja með.

Húsið er bjart, með uppteknu einhalla lofti. Góð suðurverönd með skjólveggjum.

Hús 03 0101,    72,7 fm. :Skiptist í anddyri, baðherbergi, 2 herbergi og  gott miðrými með eldhúsi opnu við stofu.

Geymsla hússins er með sér inngangi.   Parket er á gólfum, viðarinnrétting er í eldhúsi með eldavél. Húsið er fullbúið húsgögnum sem fylgja með.

Húsið er bjart, með uppteknu einhalla lofti. Góð suðurverönd með skjólveggjum.

Húsin er kynnt með rafmagni og er hægt að bæta vð 2 húsum á þá rafmagnsheimtög sem nú er.

Neysluvatn kemur úr lind í landi Strýtu og mun samningur um vatnsveitu fylgja með. Ef bæta á við húsum þá þarf að setja safntank fyrir neysluvatn.

Ljósleiðari er tengdur í bæði húsin.

Ársreikningar Seglskipa ehf liggja fyrir til skoðunar

Fylgigögn eru landamerkjalýsingar, teikningar ofl gögn. Hér er hlekkur á aðalskipulag sem nú er í gildi:Aðalskipulag Djúpavogshrepps 2008 til 2020

Hamarsfjörður, sem liggur á milli Berufjarðar og Álftafjarðar, er algjör náttúruparadís. Fjörðurinn er einstaklega fallegur og býður upp á marga möguleika til útvistar. Melrakkanes skilur á milli Álftafjarðar og Hamarfjarðar og út af því er Melrakkanesós sem er þröngt sund á milli Stapaeyjar á Starmýrarfjörum og Þvottáreyja sem eru í mynni Hamarsfjarðar, en um ósinn falla firðirnir til hafs. Annað þröngt sund, Holusund, er austan megin Þvottáreyja og liggur þar að Búlandsnesinu. Við norðanverðan Hamarfjörð er Hálsfjall, en upp af firðinum til vestur gengur Hamarsdalur og eru efstu drög hans við rætur Þrándarjökuls. Úti fyrir Hamarsfirði og Búlandsnesi á Papagrunni er stærsta eyja Austfjarða, Papey, um 2 ferkílómetrar að stærð. Á Búlandsnesi við sunnanverðan Berufjörð er kauptúnið Djúpivogur.