Norðurgata 58

Frábær útleigueining

156,5fm vel skipulögð efri hæð með sérinngangi í snyrtilegu tvíbýli við Norðurgötu á Eyrinni, örstutt í skóla og alls konar verslanir og þjónustustarfsemi.

Eign skiptist í:

Jarðhæð:  Forstofa, forstofuherbergi og stigauppgangur, hlutdeild í sameiginlegu þvottahúsi og sérgeymsla.

Efri hæð: Hol, fimm svefnherbergi og tvær samliggjandi stofur, eldhús og baðherbergi.

Nánari lýsing:  Komið er inn í forstofu með teppi á gólfi.  Forstofuherbergi er með dúk á gólfi og fataskáp.  Stigahús með steyptum, teppalögðum stiga upp á efri hæð.  Fjögur svefnherbergi eru á efri hæð, öll með parketi á gólfum.  Stofur eru tvær, samliggjandi með parketi á gólfum, önnur stofa var áður nýtt sem svefnherbergi og þar er fataskápur.  Baðherbergi er með flísum á gólfi og veggjum.  Eikarinnrétting og skápar, frístandandi sturtuklefi.  Eldhús er með hvítlakkaðri innréttingu, dökkri borðplötu, flísum á milli efri og neðri skápa og dúk á gólfi,

Gengið er niður steyptan stiga úr eldhúsi niður í sameign.  Þar er sameiginlegt þvottahús með lökkuðu gólfi og sérgeymsla.  Gengið út á baklóð úr þvottahúsi.  Góð nýting á eigninni, sérlega heppilegt skipulag fyrir stærri fjölskyldur.  Eignin hefur verið í útleigu, stök herbergi og hentar afar vel til þess, 5 svefnherbergi sem hægt er að leigja. Allar frekari upplýsingar veitir

Arnar  773 5100  arnar@fastak.is

Um skoðunar- og aðgæsluskyldu:

Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasala Akureyrar hvetur því

væntanlega kaupendur til að kynna sér gaumgæfilega ástand fasteigna fyrir kauptilboðsgerð og leita til þar til bærra fagmanna um nánari skoðun ef með þarf.

Forsendur söluyfirlits:

Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.