Fiskakvísl 1

Nýtt á skrá! Fiskakvísl 1 Reykjavík /  Afar falleg 6-7 herbergja íbúð með tvennum svölum og rúmgóðum bílskúr.

Lind fasteignasala / Heimir Hallgrímsson lögg. fasteignasali kynnir til sölu afar fallega og sjarmerandi 199,3 fermetra 6-7 herbergja íbúð á 2. hæð (efstu) með miklu útsýni og bílskúr við Fiskakvísl 1 í Reykjavík. Íbúðin er með fjórum svefnherbergjum í dag en einfalt er að bæta við fimmta svefnherberginu í risi íbúðar. Rúmgóð og björt stofa með arinn og góðum gluggum til suðurs. Stórar svalir til suðurs inn í bakgarð hússins ásamt svölum til norðurs með miklu úrsýni til fjalla. Gott fjölskyldurými/sjónvarpsrými í risi íbúðar og þvottaherbergi innan íbúðar. Stór 33,2 fermetra bílskúr og stór 16,1 fermetra geymsla með glugga á jarðhæð.

Húsið er byggt árið 1983 og lítur vel út að utan og ber þess merki að hafa fengið gott viðhald í gegnum árin. Þakið var endurnýjað fyrir u.þ.b. 2 árum síðan þar sem skipt var um járn, pappa og þakglugga. Þá var skipt um svalahurð og glugga á suðurhlið hússins fyrir u.þ.b. ári síðan og allt tréverk í norður, austur og vestur var málað árið 2025. Auk þess hefur verið skipt um ofna í stofu og baðherbergi. Fallega frágengin lóð er umhverfis húsið. Hellulagðrar stéttir og rúmgott bílastæði fyrir framan hús. Góð sameiginleg gestastæði út í götu.

Um er að ræða eftirsótta staðsetningu í góðu fjölskylduhverfi í Ártúnsholti í Reykjavík þar sem stutt er í grunnskóla og leikskóla. Frábærar hjóla- og gönguleiðir í næsta nágrenni. Stutt er í helstu stofnæðar þar sem hverfið er afar vel staðsett innan höfuðborgarsvæðisins.

Nánari lýsing:

Aðalhæð:

Forstofa: Með flísum á gólfi og skápum.

Hol: Með parketi á gólfi.

Stofa: Er rúmgóð, með parketi á gólfi og stórum gluggum til suðurs. Stofa rúmar vel setustofu og borðstofu. Fallegur arinn og útgengi á svalir.

Svalir I: Eru stórar og snúa til suðurs inn í bakgarð hússins.

Eldhús: Með parketi á gólfi og hvítri eldhúsinnréttingu með góðu skápaplássi. Borðkrókur, flísar á milli skápa og gluggi til norðurs með fallegu útsýni til fjalla. Bakaraofn, helluborð og tengi fyrir uppþvottavél.

Þvottaherbergi: Epoxy á gólfi, vinnuborð, vaskur, skápar og tenglar fyrir þvottavél/þurrkara.

Hjónaherbergi: Er rúmgott, með parketi á gólfi, góðum skápum og glugga til suðurs. Útgengi á svalir I frá hjónaherbergi.

Svefnherbergi II: Er rúmgott, með parketi á gólfi og glugga til norðurs með fallegu útsýni. Útgengi á svalir II frá svefnherbergi.

Svalir II: Snúa til norðurs með fallegu útsýni til fjalla.

Svefnherbergi III: Með parketi á gólfi, skápum og glugga til norðurs með fallegu útsýni.

Baðherbergi: Með flísum á gólfi og veggjum. Sturta og baðkar með sturtutækjum. Innrétting við vask og gluggi til austurs.

Rishæð:

Fjölskyldurými/sjónvarpsrými: Er rúmgott með parketi á gólfi og þakglugga til suðurs. Möguleiki væri að stúka af hluta af fjölskyldurými og bæta við fimmta svefnherberginu.

Svefnherbergi IV: Er rúmgott, með parketi á gólfi og glugga til austurs og þakglugga til suðurs. Fallegt útsýni frá herbergi.

Bílskúr: Er rúmgóður eða 33,2 fermetrar að stærð.

Sérgeymsla: Er rúmgóð, eða 16,1 fermetrar að stærð og með glugga. Einnig hjóla- og vagnageymsla á jarðhæð.

Allar nánari upplýsingar veitir Heimir Hallgrímsson lögg. fasteignasali í síma 849-0672 eða á netfanginu heimir@fastlind.is