Laugavegur 60A

Borg fasteignasala kynnir til sölu eða leigu.  Heil húseign. Laugavegur 60 – fjölhæf og glæsileg eign í hjarta borgarinnar. Eftirsótt staðsetning í miðbæ Reykjavíkur.

Um er að ræða steinsteypt hús með heildarstærð 186,4 fm, sem býður upp á fjölbreytta nýtingarmöguleika fyrir rekstur, þjónustu, skrifstofur eða blandaða notkun.

Eignin skiptist á þrjár hæðir, þar sem hver hæð hefur sína sérstöðu:

1. hæð – atvinnurými (51,9 fm):

Bjart og opið rými með stórum gluggum að götu. Skipulagið hentar vel fyrir verslun, þjónustu eða móttöku. Geymsla er innan rýmisins og gólfefni er vandað parket. Sýnileg staðsetning sem nýtist vel í hvers kyns rekstri.

2. og 3. hæð – björt rými með mikilli lofthæð (samtals 134,5 fm):

Efri hæðirnar bjóða upp á rúmgóð og vel skipulögð rými með nýlegu parketi, nýlegum ofnum og raflögnum.

Á annarri hæð er baðherbergi, þvottahús og tvö herbergi.

Á þriðju hæð er baðherbergi, lítið kaffihorn og þrjú herbergi.

Hæðirnar eru sérstaklega glæsilegar vegna mikillar lofthæðar og stórra þakglugga, sem veita einstaka birtu og rýmistilfinningu.

Húsið hefur verið  endurnýjað að innan, auk þess sem bakhlið þess hefur verið klædd að nýju. Aðgengi er gott og möguleiki er á að loka neðstu hæð frá efri hæðum, sem eykur sveigjanleika í nýtingu. Einnig er möguleiki á að leigja einingar aðskildar.

Mögulegir nýtingarkostir:

Verslun og/eða veitingastaður á öllum hæðum

Verslun á 1. hæð og skrifstofur á 2.–3. hæð

Verslun á 1. hæð og íbúðar- eða gistirými á efri hæðum

Eitt Bílastæði er á  baklóð.  Eignin er laus til afhendingar.

Einstakt tækifæri til að festa kaup á vandaðri eign með mikla möguleika á einni bestu staðsetningu miðborgarinnar.

Nánari upplýsingar veita :

Úlfar Þór Davíðsson, í síma 788-9030, tölvupóstur ulfar@fastborg.is

Börkur Hrafnsson , í síma 892-4944, tölvupóstur borkur@fastborg.is